Jeug Vastelaoves Leedjes Konkoer

Posted in Vastelaovend
144_groot

 

Op vriedaag 21 fibberwari vindt in de Venlonazaal ‘t Jeug Vastelaoves Leedjes Konkoer, oftewaal JVLK plaats. ‘t JVLK wuurt al gehalde sinds 2001. Mit dit initiatief beougde de bedinkers Bart den Biessen en Vors Joeccius XI Harry Pouwels, um de schoëljeug miër beej de Vastelaovend te betrekke. Op de leedjeswedstriéd make de groepe 7 van de basisschoële oét ’t stadsdeil Venlo oét, wae ’t kwantste jeugleedje haet gemak. Al vanaaf ‘t begin kômponeert Wim Roeffen dreej melodieje wao-oét iddere klas kin keeze. De lierlinge make zelf de teks veur ein leedje en wuurt gebrach door de ganse klas of door inkele zengers oét eur klas. Ein vakkundige zjurie, mit ônder andere de Dreejspanne van Jocus èn Jocus Toekôms, haet de meujlikke taak de leedjes te beoordeile. De winnaer kriég netuurlik de iëwige roem! Zeej ontvange ouk ein beeldje “D’n Bart”, verneump nao bedinker Bart den Biessen. ’t Leedje verschient ouk nog ens op de Jocus CD. De winnaers meuge ‘t leedje zinge op diverse Jocus evenemente en op de Boétezitting! Idder jaor weer ein grandioos fees in de Venlonazaal. De winnaer van ‘t Jeug Vastelaoves Leedjes Konkoers 2013 waas de Schoël met de Bijbel mit ’t leedje De Vastelaoveskuukes.

Delen is Fun ...Share on FacebookTweet about this on TwitterPin on PinterestShare on LinkedInEmail this to someoneShare on Google+